एकदा तरी
सकाम कर्म त्यागुनी निदान एकदा तरी
ठरेन या जगात मी महान एकदा तरी
नसेल आपले तरी कशास हक्क सांगणे?
समानतेस न्याय दे किमान एकदा तरी
महान, थोर, श्रेष्ठ हे बिरूद फ़ार मिरवले
जगून दाव माणसासमान एकदा तरी
स्वराशिवाय रेकलो असाच मी बरेचदा
निघेल सूर कोकिळे समान एकदा तरी?
उदास चेहरा असा कसा मलूल जाहला?
हसा बघू जरा हळूच छान एकदा तरी
खरीदण्यास पाहतोस स्वाभिमान आमचा
करेन बंद मी तुझे दुकान एकदा तरी
सजा सुनावणे अभय कठीण काय त्यात; पण
बघा धरून आपलेच कान एकदा तरी
- गंगाधर मुटे
……………………………………………………
वृत्त : कलिंदनंदिनी
काफिया : महान
रदीफ : एकदा तरी
लगावली : लगालगा लगालगा लगालगा लगालगा
……………………………………………………
करेन बंद मी तुझे दुकान एकदा तरी
सजा सुनावणे अभय कठीण काय त्यात; पण
बघा धरून आपलेच कान एकदा तरी
- गंगाधर मुटे
……………………………………………………
वृत्त : कलिंदनंदिनी
काफिया : महान
रदीफ : एकदा तरी
लगावली : लगालगा लगालगा लगालगा लगालगा
……………………………………………………
1 प्रतिसाद:
Vichar aavadale !
jwalant vichar aahet !
Post a Comment
माझे विचार
आपणास आवडले तरी
आणि नाही आवडले तरीही
प्रतिक्रिया अवश्य द्या...
आपले विचार माझ्यासाठी महत्वाचे आहेत.